葉蒨文日前目擊交通意外，驚訝冇人報警。
無綫小花葉蒨文（Sophie） 近年備受力捧，憑處境劇《愛·回家之開心速遞》飾演Candy一角更大受觀眾歡迎，非常入屋。葉蒨文昨日（10日）在社交網貼文透露自己目擊一宗車禍，卻沒有人幫忙，最後由她打999求助。
葉蒨文在IG限時動態發文表示，坐車經過中環IFC附近目睹交通意外：「見到一架車自己撞咗上壆，車頭爛晒、安全氣袋爆晒出嚟，身邊無警察亦都無人圍住架車，經過咗之後，我諗諗吓覺得唔係好對路，我就打999問有無人報過警，佢地話我係第一個打去。」
她續指現場有少少塞車，亦有都好多車繞過出意外的車，但原來一直無人報警：「都唔知司機撞咗幾耐，我本身都唔敢相信冇人報警，我係第一個打去，希望冇延遲到救護！」葉蒨文呼籲大家經過事故現場見到無警察封路、無人幫手，不要怕麻煩，亦不要覺得有人已經報咗警，嘗試去報警 ：「呢啲嘢無得搏架，咁就可以確保最快有人可以幫到司機，唔好錯過最佳救援時間。」
葉蒨文指自己是第一個打999。
入App拎12大商場蛇年利是封
