趙璧渝憑住《逆天奇案》中「妹頭」一角成功入屋。
趙璧渝憑住《逆天奇案》中「妹頭」一角成功入屋，帶摯她工作量大增，有份參與新劇《痞子殿下》。
去年趙璧渝在《法證先鋒IV》只穿黑色胸圍危站天台邊緣的鏡頭，開始嶄露頭角，而今次《逆天奇案》中是她入行以來最多戲份的一次，她說：「從影以來最重戲份的一次，第一次有咁多屬於自己嘅鏡頭同對白，拍攝期間心理壓力好大，成日都瞓唔着，好緊張，因為想演得好啲，好好把握今次機會。」
現年32歲的趙璧渝入行8年，一直都是演跑龍套角色，每月收入只得4位數。來自單親家庭長大的她，非常感謝母親的支持︰「媽咪好忙，平時好少追劇，不過佢今次為咗我都煲劇，其實一直以來媽媽都好支持我，俾我好任性咁追夢，自己好愧疚咁多年都俾唔到家用媽媽，仲要媽咪擔心我夠唔夠錢用。」
她又特別點及多謝「大小姐」林淑敏︰「我哋之前因合作處境劇《愛‧回家之開心速遞》而認識，佢話有睇套劇，仲對我講咗好多鼓勵說話，真係好感激佢，除咗公司同事之外，有啲圈外朋友，睇咗套人劇之後都有Send訊息嚟打氣。」角色贏得口碑，同時亦令趙璧渝有搵真銀的機會，她說：「出劇係會增加咗搵錢機會，最近都有啲宣傳片、廣告傾吓，睇吓有冇合作機會。」
入App免費換走健康產品
