向海嵐將為今屆港姐競選擔綱導師，向師妹大派選美貼士。
向海嵐(Anne)跟王賢誌(Vinci)不時被讚凍齡有術，兩人昨日出席代言保健產品的活動，分享保養心得，Anne表示，疫情下更注動健康，「每天點懶都堅持在家做30分鐘簡單運 動，晚上6點後戒食澱粉質，亦有食保健產品。作為1998年四料港姐冠軍，Anne將會擔任今屆香港小姐導演，她直言暫時未知詳情，但非常開心，「希望以過來人身份俾貼士師妹，我應該唔算係好嚴苛嘅導師。」對於舊作《無頭東宮》最近又被網民追捧，成為最想重播劇，Anne大表驚喜，「已是近20年前的作品，自己睇番當時演技真係好差，有好多改進空間，不過作為集體回憶都 OK 。」
向海嵐與王賢誌疫市有工開，齊齊代言保健產品。
年逾半百的Vinci則表示，結婚5年幸有伴侶鞭策keep fit，「拍拖時都試過幸福肥，加上我好喜歡食煎炸及肥膩嘢，反而佢就好節制，雞皮一定唔食，做運動恆心又堅定過我，我有時太熱就推遲明天才做，他在身邊就不時鞭策我，見我食雞皮又『喝』一 下阻止我，互相影響下，大家都有好多好嘅影響。」他透露將在熱播劇《逆天奇案》最後的七集亮相，揚言所演的律師角色跟本身的形象截然不同，過足戲癮。
amJetso 送BIODERMA救星小紅瓶🩷護膚恩物 立即按此參加👇
