2024-12-05 20:04:15

方皓玟首置買樓full pay俾錢謝君豪一畢業就做業主

方皓玟、謝君豪等，今日於旺角太子出席樓盤活動。再度成為樓盤代言人的方皓玟，即場獻唱《最佳位置》歌頌樓盤位處市中心優越位置，謝君豪則說，「早前拍攝樓盤宣傳片時，適逢8號風球，整個團隊一齊陪同拍攝，可以見到呢個集團充滿幹勁。」

對於與金馬影帝謝君豪合拍宣傳片，方皓玟大讚對方非常紳士，又稱：「拍攝時要盡顯高貴大方，所以要著高踭鞋行斜路，謝君豪好好人，一路扶住我，而且佢氣場好勁，一到拍攝即刻變另一個人。」對到謝君豪曾欣賞她主演的舞台劇，「希望可以同謝君豪做一次舞台劇，知道佢又開始為舞台劇綵排，想叫佢下次可預埋我。」

心思思想買樓收租

談到明年是否舉行巡迴演唱會，方皓玟會四出去表演，因為想同粉絲接觸，又稱是非常開心的事。問她代言樓盤廣告有否獲得額外買樓優惠，她笑言：「有優惠我就check吓夠唔夠錢買，其實上次擔任代言人，先啟發自己要買樓呢個念頭，攞嚟收租都好。」方皓玟稱，上次置業是一筆過付清款項。謝君豪則稱，當年一畢業就置業，「當時演藝學院一畢業，屋企人就俾首期我買樓，當時應該八十年代尾九十年代頭，供得唔算辛苦，不過唔係屋企人幫，自己都攞唔出首期。