早前因抽水被炒嘅林作，其女友裕美今日凌晨代為出post，表示「剛剛做完重大手術，剛醒」。有傳媒向裕美了解，原來林作上周末時發現右眼不適，後來更視力模糊兼頭暈，睇醫生後證實係視網膜脫落，於是立即入院做手術。
向來被網友盛讚係頂級女友嘅裕美，再次展現細心一面，佢話因為林作手術後要趴喺度瞓，驚男友瞓得唔好，於是DIY個頭枕畀佢墊住，半夜拎去醫院再陪佢。
媽咪王莉妮好感動
有傳媒同時訪問埋林作媽咪王莉妮Lily，向來同裕美關係麻麻嘅作媽話，見到裕美照顧阿仔令佢好感動，仲話考慮下個月生日party預埋裕美，似乎破冰有望。而裕美對於作媽態度軟化似乎有啲錯愕，佢話auntie有叫佢睇住林作，仲多謝對方安心交個仔俾佢。呢鋪仲唔係患難見真情？！
原文刊登於 Yahoo 娛樂圈
▼重溫林作鍾培生拳賽▼
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
