![林夏薇舉啞鈴騷肌36歲凍齡有術 被指事業線上頸「肚腩肉跑去上面」](https://cdn.am730.com.hk/s3fs-public/styles/article_image/public/2023-11/a_3.jpg?itok=amB8KiAN)
林夏薇舉啞鈴騷肌36歲凍齡有術 被指事業線上頸「肚腩肉跑去上面」
36歲嘅林夏薇(Rosina)2011年加入TVB,曾參演《衝線》、《天眼》、《乘勝狙擊》、《十二傳說》等劇集,憑精湛演技大受好評,擺脫「林峰堂妹」嘅稱號,更成功憑《七公主》顧語嫣一角於《萬千星輝頒獎典禮2021》榮升視后。林夏薇入行至今屢被傳整容,身形苗條嘅Rosina最近Po相,被網民指事業線上頸好奇怪。
林夏薇每日飲用2公升水
有「娛樂圈馬甲線代言人」之稱嘅林夏薇,出道多年都能夠保持苗條身形,除咗均衡飲食及每日飲用2公升水之外,佢仲好鍾意做運動,仲不時喺社交網站分享做運動嘅照片及影片。最近佢又上載做運動嘅PO啦!影片中嘅佢以素顏現身,著上粉紅色嘅超低胸背心出現喺健身室,佢首先單手舉高啞鈴,然後再用雙手舉啞鈴。
雖然林夏薇好努力做運動,不過圈中好友及網民就將焦點放喺佢嘅上圍及身材上,好似胡定欣就留言話:「練到上圍有增無減,呢位教練勁」;而網民就留言話:「魔鬼身材」、「練到肚腩的肉都跑去上面」、「怎讓維持胸部不會變小啊?」及「薇薇我好羡慕你的馬甲線」等等,不過亦有網民留言認為谷會傷,及覺得佢嘅事業線上頸好奇怪。
原文刊登於 Yahoo 娛樂圈