林峯將於9月在澳門舉行4場《LOVE FLOWS林峯澳門演唱會》。
林峯相隔5年再度舉行個人演唱會，鐵定9月7至8日及14至15日於澳門舉行《LOVE FLOWS林峯澳門演唱會》。憑《九龍城寨之圍城》陳洛軍的破格演出，人氣爆燈， 昨日，林峯在社交平台率先發布演唱會Teaser，短短十多秒已令大批洛軍Fans大呼期待，他已計劃招待城寨兄弟與拍檔過大海睇Show。至於會否把演唱會帶到香港，林峯透露：「我哋都籌備緊，要睇場地可唔可以配合到，當然我都希望可以。」
逾30度高溫戶外拍宣傳照
林峯每次演唱會均大玩不同元素，過往分別以「水」、「火」、「光」、「時間」等作主題，自2009年首次踏上紅館舞台，6年內先後舉行5個不同主題的個唱，今次標榜「風」之元素，靠風的流動性來展示林峯不同面向，「因為我覺得，風似無形但又有『型』，其實可以令整個舞台上嘅創作更加無界限，我哋可以在舞台上以『風』展現出相關嘅舞台效果同埋畫面。」林峯自言每次開個唱，跟團隊至少開會10次或以上，希望圍繞著主題，從視覺效果上震撼每一位入場觀眾，帶出全新視聽享受。
林峯早前在戶外及室內拍攝演唱會海報及宣傳照，以清新造型帥氣登場。開工當天氣溫逾30度，自言畏高的林峯要爬上戶外搭建高台拍攝，攝製團隊大汗叠細汗，還一直有專人用魚絲在背後拉起他身上衣帶，營造出懸空的飄逸效果，阿峯都不禁形容：「好似Chok泥鯭咁！」
香港開騷 視乎場地
林峯談到迎開騷心情：「好開心，我好想回饋咁多年來嘅所有粉絲，好希望可以在舞台上同佢哋盡可能作近距離接觸，喺舞台上唱一啲佢哋喜歡聽嘅歌。」阿峯續說：「我一直覺得一個演唱會其實係個party，台上、台下都係part Of the show，我好希望每一位入場嘅觀眾可以玩得很開心。」歌單方面，阿峯為滿足每位歌迷，或會加入一段side track環節，演繹從未正式在舞台上唱出的作品。
至於會否把演唱會帶到香港，林峯透露：「我哋都籌備緊，要睇場地可唔可以配合到，當然我都希望可以。因為我覺得一個好嘅Show可以無止境，一個主題在基礎上有更多嘢可以去發掘，包括以前我哋做演唱會，每一場都希望可以令到觀眾有唔同嘅感官，總之入場你就知喇！」
amJetso 送BIODERMA救星小紅瓶🩷護膚恩物 立即按此參加👇
