宣布陀B喜訊的梁靖琪(Toby)，昨日腳踏三吋高踭鞋出席慈善晚會，老公 Jon 與好姊妹 Margaret 全程化身「左右護法」傍實，她指自己即將榮升媽媽，特別關注小朋友的教育，知道機構為有需要小朋友提供免費教育，更在場呼籲各位慷慨解囊。
Toby 透露健康狀態十分好，故身體力行支持慈善，為 BB 進行胎教：「依家習慣每個星期會同老公去教會，每晚都會祈禱，希望 BB 聽多啲我哋講嘢，帶佢做多啲慈善工作。今年因為要留喺香港安胎去唔到柬埔寨再做探訪，不過已報咗名下年再去，唔知到時會唔會帶埋小朋友去做義工呢？」問到老公可有對她穿高踭鞋有微言？Toby 笑言：「我老公非常煩，由我開始話要著高踭鞋之後，佢就上網係咁睇孕婦幾時唔著得高踭鞋，係咁叫我買過對鞋，所以今晚我行去邊，佢應該會跟我去邊，哈哈。」
amJetso送香港迪士尼樂園成人一日門票 ⬇️⬇️立即開APP參加⬇️⬇️
