梁靖琪與品牌再合作，推出賀年糕點。
梁靖琪（Toby）近年積極進軍飲食界，今個農曆新年再有新搞作，繼中秋節推出減甜月餅後，再度聯乘已有75年歷史的香港點心老字號「文樂園」推出特色賀年糕點。本身頗愛吃辣的Toby就創作出麻辣口味蘿蔔糕，她表示本身不太愛吃辣的老公，也對該款蘿蔔糕讚不絕口。
Toby指媽媽本身很吃得辣，自己亦遺傳了嗜辣基因，無辣不歡。她的老公由原本不吃辣，變成依家可以接受到「BB辣」。因此，全家人也很喜歡這款麻辣蘿蔔糕。令人想不到的是，這種辛辣基因早已遺傳給大仔Roman，Toby 憶述：「有次喺家姐屋企打邊爐，佢唔小心放咗隻辣椒入口，當時真係癲咗。不過從此之後佢慢慢接受到，我成日叫佢唔好食辣，佢反而會話少少辣都OK，希望佢大個可以陪我一齊食麻辣打邊爐啦！」
梁靖琪炮製多款賀年糕點。
Toby日前除了為產品拍攝宣傳照外，又即場示範煎自家蘿蔔糕及年糕，更邀請到姨甥仔試食。拍攝當日 Toby 明顯瘦了一圈，展現了產後極速修身的成果，她表示原定12月入組拍攝新劇，所以秘密特訓了一個月Keep Fit，最後拍攝工作卻延遲到明年初。Toby 表示：「因為今次新劇角色係好識打扮，我要着好多靚衫，自己都想以最佳狀態見人。坦白講生完第二胎真係好難減，可能我係肥底，好彩自己好勤力做Gym同紮肚，老公都讚我Fit咗好多。」
梁靖琪生完第二胎後火速修身。
🎁 amJetso請你睇《焚城》，快Ｄ開APP玩👇 👇
