楊茜堯楊卓娜素顏現身內地街頭被野生捕獲 零底妝下肌膚仍白滑緊緻
46歲楊卓娜與45歲楊茜堯（前名楊怡）兩姊妹感情一向要好，經常孖住與家人去旅行；佢哋過往亦分別於社交平台大曬素顏照，雖然曾被網民就二人嘅素顏作比較，但兩者嘅素顏均被激讚膚質好。
穿白色T-Shirt及戴上帽子
日前，有網民於內地街頭巧遇楊卓娜和楊茜堯，素顏上陣嘅佢哋亦大方合照。
楊卓娜與楊茜堯近日共同於內地行街，有網民就於社交平台分享合照。從照片中睇到，楊卓娜與楊茜堯身穿白色T-Shirt及戴上帽子，打扮低調樸素，而二人皆是素顏上陣，零底妝嘅狀況下肌膚仍白滑緊緻，氣息相當好。
《黑色月光》內飾演姊妹
兩姊妹除咗感情好好，時常一齊活動之外，亦合作拍攝TVB新劇《黑色月光》，於劇內飾演姊妹，並加入黃翠如飾演三姊妹，姊妹組合極新鮮。
最新預告片中，楊卓娜眼水汪汪咁為維護細妹黃翠如而鬧楊茜堯：「如果你堅持報仇，你自己報！」，相當一定會令觀眾睇到不一樣嘅火花。TVB高層樂易玲於煞科宴接受訪問時表示有信心《黑色月光》可成為下一部《新聞女王》，亦希望劇集可以於台慶檔播出。
原文刊登於 Yahoo 娛樂圈
amJetso 送BIODERMA救星小紅瓶🩷護膚恩物 立即按此參加👇
