譚俊彥與朱晨麗為《歡樂滿東華2021》排練。
譚俊彥(Shaun)與朱晨麗(朱朱)昨晚為《歡樂滿東華2021》排練，Shaun表示，二人當晚會合作表演跳舞及魔術，他笑說：「上次表演跳舞尷尬完後，朱朱話只要自己唔覺得尷尬，尷尬嘅就係別人，不過今次有好多舞蹈員，加上朱朱跳舞又叻，應該冇問題，我又會玩火，有一定危險性，我哋兩個拍檔會食火，我就變走啲火。(會唔會變走朱朱？)我有提出過，不過佢太重，搞唔掂。」Shaun表示以前都有接觸過魔術，在家中練習時，小孩睇到第4、5次之後就會笑說：「Daddy我知道係點。」
拒透露何廣沛有否送禮物
朱朱表示，之前跟Shaun曾在劇集中一齊跳舞，有一定默契，而今次她的表演有一定難度，她說：「都擔心會有失誤，有壓力，當日知要做嘅時候都好大壓力， 我唔係專業人士，佢哋咁睇得起我，我連生日都掛住練習，有好多朋友約我食飯，我都話唔得。」她又稱生日前都有少少慶祝，但不是所有朋友一齊，之後會再補祝。問到緋聞男友何廣沛可有送上生日禮物，她笑說：「你哋問返佢。」
入App免費換走健康產品
