何爵天與黃又南出席《死屍死時四十四》於大阪亞洲電影節舉行的全球首映。
由《正義迴廊》導演何爵天執導的黑色幽默喜劇《死屍死時四十四》，雲集影后毛舜筠(Mo姐)、鄭中基、MIRROR成員Edan(呂爵安)和柳應廷(Jer)、余香凝、楊偉倫、黃又南等聯合演出，影片獲選為今屆《大阪亞洲電影節》開幕電影，導演何爵天與黃又南親身赴日出席昨日(15日)的世界首映與當地觀眾見面。
估唔到日本觀眾睇得明
導演何爵天表示：「我都係第一次同觀眾一齊睇呢一套戲，大家反應比我想像中熱烈，有啲笑位，我以為香港觀眾先會明白，但原來日本嘅觀眾都好鍾意，呢個係我完全估唔到嘅，同埋真係笑足全場。」
完場後，不少觀眾向黃又南索取簽名及邀請合照，「現場氣氛好好，觀眾好熱情。睇完戲有好多觀眾搵我同導演合照同簽名，有觀眾仲拎我第一套演出電影嘅碟俾我簽，又叫我哋多啲去日本，好開心。」
amJetso 送BIODERMA救星小紅瓶🩷護膚恩物 立即按此參加👇
