江嘉敏與節目《健康關注組》團隊到旺角社區會堂派發福袋給老友記。
現年30歲的江嘉敏，日前在社交網宣布約滿離巢，並與無綫結束九年賓主關係。 相隔三天後，回復自由身的她首個活動即到HOY TV開工，並與節目《健康關注組》團隊包括敖嘉年、吳雲甫、麥詩敏等到旺角社區會堂派發福袋給老友記。
首次拿住HOY TV咪牌接受訪問的江嘉敏自言覺得很奇妙，她更表示畢竟在無綫已經九年，並忍不住哽咽說：「坦白講真係有啲唔捨得，最唔捨得梗係一班同事啦，當啲散水餅運到我屋企，我一打開...我係真係有落淚嘅。」提到未來發展動向，江嘉敏表示消息一出，以為找她拍劇、拍節目的工作會比較多，但原來不是：「我我真係估唔到反而係唱歌嘅工作比較多，問我有無興趣唱歌，梗係有興趣啦﹗（仲有咩工作想嘗試？）咩類型嘅工作都想嘗試，好坦白講有好多嘢我都未試過，例如做司儀，唱歌我都試過，演唱會都叫開過，但我都唔抗拒有更多唱歌嘅機會，仲有舞台劇我都想試，因為從來未試過嘛。」
入App免費換走健康產品
