洪永城完成初跑，感動一刻擁吻老婆。
洪永城(Tony)老婆梁諾妍(Inez)向來熱愛跑步，昨日兩人參加神戶馬拉松。原來今次是洪永城的日本初跑， 完成賽事後激動得喜極而泣，擁吻在終點等候老婆Inez。
洪永城不停大嗌辛苦，多謝老婆一直以來的支持和鼓勵，他在社交網貼出咬住獎牌的照片，並留言：「42.195公里，我終於明白點解啲人話人生就好似一個馬拉松咁，因為你會覺得跑跑吓，點解啲人跑得咁快跑前得你咁多，因為佢哋有做功課囉，做準備囉，應該比你更加優秀，但係跑多一陣你又見返佢慢咗落嚟，休息緊，你嘅耐性同堅持贏返佢一次，同埋證明天賦幾好都好，自己唔堅持都會俾人超越。同證明咗每個人嘅步伐都唔一樣，只要你夠努力一步一步，你係可以追番你之前落後嗰啲。」
Inez等老公衝線一刻太感動，哭咗。
原來洪永城今次是初跑，絕對值得紀念。
Inez：過線一刻好滾動
Inez最開心是老公陪她完成賽事，她在IG留言：「等佢過程已經好期待，過線嗰刻真係好滾動，見我咁情深咁望住Sir，就知我開心過佢，今次隻馬雖然唔係靚時間，但係意義最大，多謝洪永城陪我一齊癲，下隻馬跑咩好呀Sir？」而洪永城似乎怕咗跑馬拉松，他回覆：「跑步人生只會做錯一次決定，我唔會再做錯㗎喇。」
Inez在限時動態貼出洪永城短片，行落樓梯要扶住扶手逐步落，表情痛苦。
amJetso 送BIODERMA救星小紅瓶🩷護膚恩物 立即按此參加👇
