昨晚一集播出王浩信半裸上身，僅穿底褲通街走。
由王浩信、朱千雪及袁偉豪領銜主演的《EU超時任務》，近日於無綫深宵時段重播，吸引大批觀眾收看，就連在戲中飾演「筲箕」的楊潮凱，近日出街亦被途人叫返做「筲箕」，楊潮凱寫道：「呢個星期我出街食飯，有好多人叫我『筲箕』，我開頭都覺得好奇怪點解會叫返呢個名？佢地話我晚晚都有追你套劇架！我先知原來夜晚重播緊 #eu超時任務 ，一段美好的時光 ！唔知幾時可以再同渠頭哥王浩信再拍戲呢？」
而昨晚一集，更播出王浩信經典的一幕，劇情講述王浩信為救爛賭阿媽雪妮，最後輸剩條內褲，浩信揹起雪妮姐追入後巷逃跑，僅穿內褲的浩信騷出健碩身型，引來不少途人圍觀，令他尷尬不已。
楊潮凱期待再與王浩信合作。
立即更新/下載AM730手機APP 體驗升級功能
