靚佬湯有啲平衡唔到咁，好牙煙。
荷李活型佬湯告魯斯(Tom Cruise)主演的《壯志凌雲：獨行俠》票房凌厲，繼上月超越《復仇者聯盟：無限之戰》後，日前再以7.01億美元打破Marvel作品《黑豹》的7.004億美元，登上北美史上最高票房第5位。昨日，男星Stephen Ford於Twitter發放一條靚佬湯短片，他在空中宣傳明年7月上映的《職業特工隊7》(Mission：Impossible—Dead Reckoning Part One)。
短片尾聲，另一架飛機近距離飛到阿湯身邊，好似真係拍緊戲咁。
搵命搏宣傳
短片所見，靚佬湯企在一架飛行中的二戰時期Boeing-Stearman雙翼飛機，並說：「大家好，希望我能和你們一起。外面的聲音好嘈，我感到抱歉。如你所見，我們正拍攝新一部Mission：Impossible，希望你們在戲院中看到。」接著，他企著的飛機跟隋身旁另一架黃色飛機急速橫向飛走。見到靚佬湯身處機外保持平衡又要講對白，叫人捏一把冷汗。
amJetso 送BIODERMA救星小紅瓶🩷護膚恩物 立即按此參加👇
