草蜢將於11月在紅館舉行世界巡迴演唱會，繼3年前舉行的《BE THREE演唱會》後，今次再以LIVE GOES ON為名，為了在演唱會上跳得起，加上歌衫好貼身，所以要由肥蜢變做瘦蜢。
早前三子為演唱會拍攝宣傳海報，以大頭為主，加上玩迷幻色彩效果，蔡一智表示，今次的海報構思很有迷幻舞台感覺，「無論過去現在，最好最壞也要向前看。」
誓要以最佳狀態示人
草蜢在舞台上一向對自己要求高，無論聽覺和視覺效果都不會輕視，蔡一傑(傑仔)笑說：「形象指導朱祖兒叫我哋要瘦，千祈唔好大隻，因為今次啲衫唔能夠肥，有少少肥企喺舞台上都唔好睇，我哋唔可以做肥蜢，一定要做瘦蜢！」 蘇志威就話：「由而家開始一直Keep到11月，到時我哋要精神奕奕，以最佳狀態示人，要保持好身材，當然不容有失！」
今次草蜢會同期推出新碟，傑仔亦推出個人專輯，他的新歌《流淚的怪獸》更已成為商台叱吒流行榜冠軍歌，傑仔說：「上一張個人碟已經係13年前嘅事，相隔13年，我覺得自己嘅歌更成熟同有深度，而且擴闊咗我嘅想像空間」
入App免費換走健康產品
