2024-10-12 13:30:25

王宗堯獄中渡過46歲生日親畫溫馨全家福送老婆

王宗堯(Gregory)今年2月1日被判暴動罪成即時還押，其妻Julia 這段時間不時以王宗堯的IG帳號出po，交代二人的近況。上星期(10月2日）是王宗堯的46歲生日，在獄中渡過的他，獲不少網民送上祝福。

王宗堯首個與太太分開過的生日，Julia 日前在社交網寫道：「王宗堯生日平安，隔空同你一齊許願，早日返來吸貓貓，曬太陽，好多謝各位送上嘅生日祝福，我會一一為大家轉。」昨日（11日）Julia 在社交網表示已將所有祝福向王宗堯送上，她貼出王宗堯在獄中親手繪畫的圖畫，畫中是他們兩口子加兩隻愛貓的全家福，相當溫馨，更有他在Julia 送的生日蛋糕畫像寫下：「wahahaha.. I tried（哈哈，我試了）」的字句，更表示切了一件留給老婆，字裏行間真情流露，讓人感動。

Julia表示：「大家嘅生日祝福我已經分批為大家送上，Greg好開心，佢好多謝你哋咁多位嘅心意。今日我收到佢畫咗一張卡送俾我。圖二係我用我嘅小清新畫風親筆畫嘅生日蛋糕 ..佢回信嘅時候話切咗一份蛋糕留返俾我….就係咁，佢就喺牆內渡過佢46歲嘅生日。雖然目前可以為對方做到嘅好有限，反而一切都顯得格外純粹。」