王智騫(Martin)去年憑ViuTV劇集《I SWIM》人氣大增，成功入屋，不僅成為廣告商新寵，亦成為品牌活動的常客，最近Martin與時尚達人林皓霆，齊齊接受時裝品牌Hugo Boss邀請，代表香港跟全球200位名人包括：台灣代表柯震東、韓國代表李敏鎬等，參與Campaign “Be Your Own Boss”在IG貼出童年照，Martin自爆童年是肥仔一名，「以前我花名叫『肥田』，同當時有套電視劇集嘅角色同名，不過個角色係女仔嚟。」
恨與柯震東拍戲
過去一年，Martin可算是豐收之年，不僅劇集角色受歡迎，亦得到不少搵真銀機會，對於能夠參與全球Campaign香港代表藝人，Martin受寵若驚亦感恩。過往有「翻版柯震東」之稱的Martin表示一直渴望跟對方合作，Martin指：「其實一直以來都好希望有機會同對方合作到，因為由中學開始已經睇佢嘅電影，覺得佢喺每一部作品嘅演出都非常犀利，自己成為演員之後好想有機會同佢合作；知道佢之前受咗傷，希望佢早日康復。」
🎁 amJetso請你睇《焚城》，快Ｄ開APP玩👇 👇
