王祖藍以長老身份參與《開心無敵獎門人》。
王祖藍今日到電視城為《開心無敵獎門人》錄影，對於有傳他與無綫關係轉差，甚至已辭任首席創意官一職，他說︰「我係流著TVB血嘅人！」但被記者再三追問之下，祖藍沒有正面回應傳聞，只表示自己今日是獎老，平日是老公，返辦公室是OL，稱跟無綫的關係OK，否則不會回來。
王祖藍表示非常鍾意C君。
問到祖藍是否跟樂易玲鬧不和，他又再遊花園︰「男人唔會講呢啲嘢，個個高層都係靚女。」至於被指不滿C君，他說︰「梗係唔係啦！我鍾意到佢不得了！我都有同C君講邊個搞呢啲嘢，是旦啦！樹大招風！」他指有留意到J2台最近的節目，知道他起用了很多年青人，透露C君籌備了不少節目，所以非常支持他。
他表示現時全家移居上海，小朋友亦準備在9月開學，過去因為拍節目才在長沙逗留3個月，並指無綫若有甚麼事需要在大陞幫手，自己會隨時服務總經理。無綫股票再創新低，曾呼籲大家趁低吸納的他表示太忙沒有留意股價，笑言大家如有錢可以買起整間公司。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
