深夜時分又飯又湯又甜品，小癲。
王菀之(Ivana)相隔11年再開紅館騷，Ivana《合體—王菀之演唱會2025》於明年2月舉行，門票今日公開發售。昨晚她拉埋老友張敬軒深夜開IG live，兩人與歌迷傾計、互窒、食煲仔飯，唱歌。今早兩人演唱會，一個紅館開騷一個澳門開騷，分別都於今日公開發售，兩騷明票在下午宣告賣完。Ivana表示：「好開心大家支持，知道消息後，團隊即時聯絡我開緊急會議，睇下會唔會有加場空間，買唔到飛嘅歌迷唔使失望，有消息會即刻同大家公布。
軒公唱歌，Ivana影相。
軒公即搶相機，又真係影得幾……
軒公抽筋拉唔到筋
講番個live，兩人獨唱同合唱不少經典歌。近日迷上攝影的Ivana，趁軒公唱歌時狂影，之後軒公要她delete相片，避免「唔靚仔」相流出。Live去到一半，軒公話坐到抽筋，Ivana立即幫他按小腿又教他拉筋。當軒公起身拉筋，網民發現他身體超級唔柔軟，難以彎腰雙手貼地，點知Ivana一彎腰雙手已貼到地，身體比他柔軟得多。
軒公拉唔到筋，Ivana一彎腰就完成動作。
立即更新/下載AM730手機APP 體驗升級功能
