王菀之(Ivana)和張敬軒(軒仔)完成一連4場演唱會，2人在尾場繼續調皮鬥嘴，Ivana更再次以大露背的黑天鵝造型跳熱舞，軒仔就大爆她為了跳性感舞而節食。
Ivana表示很久沒吃過東西，感覺現在十分虛弱，軒仔就馬上說：「佢為咗喺舞台上跳性感舞時，呈現最好狀態，每日都食好少嘢，所以慶功宴揀咗自助餐形式，其實係為佢而設。」
腰部肌肉受傷仍未康復的她，透露在演唱會後，需要馬上使用腰封紓緩痛楚，被問到會否害怕腰傷影響生育，她指：「仲未有諗到咁遠，相信好好休息一陣，就會好番。」
考慮再合體 辦古典音樂會
提到在自彈自唱時哭起來，Ivana表示：「其實啱啱落場時都有喊，因為實在太感動同唔捨得！」而軒仔都話，在這段時間常常哭，甚至在台上演唱時，腦海一直重現與王菀之的回憶，「需要沉澱一段時間先再決定下次同Ivana嘅合作，可能會辦一啲更有藝術氣息嘅古典音樂會，或者多媒體嘅演出。」
入App免費換走健康產品
