小齊讚張家輝非常專業，拍被暴打戲不用替身，親身上陣。
張家輝、任賢齊(小齊)、楊紫及陳家樂凡等，前晚出席電影《沉默的證人》的拍攝煞科活動，自電影《大事件》後，相隔14年再度跟小齊合作，張家輝表示感覺良好，因為兩人溝通多了，就算拍戲時被小齊暴打，也沒有阻止二人成為好朋友，張家輝更說做導演一定找小齊參演。
張家輝指，今次拍攝工作氣氛愉快，又說：「小齊係好斯文嘅人，如果我做導演開戲，一定會搵佢演出。」小齊則透露，在劇中與家輝有很多動作戲：「家輝好專業，響佢身上學到好多嘢，佢拍戲好投入，全部動作場面親自上陣，有一幕我響戲中不停暴打佢，佢都係自己演出，冇搵替身，打到我都唔好意思，佢演法醫，有一場戲我用玻璃瓶打佢個頭，佢仲教我點樣打，用咩角度打落去冇咁容易受傷！」張家輝就笑言挨打不覺得太辛苦，又說：「好彩冇受傷咋。」
小齊指，在拍槍戰戲時，楊紫問是真槍還是假槍，張家輝先跟她說是假槍，然後小齊又在她耳邊開玩笑說是真槍，把她嚇倒。
楊紫：找家輝哥要問劉德華
談到跟楊紫合作，張家輝笑說：「楊紫成日同我講，佢她話自己係『很火』嘅新一輩女演員，問我知唔知道，我咪成日同小齊一齊整蠱佢囉！」楊紫笑言：「我自稱『很火』只是開玩笑，在片場我被前輩們逗著玩，很開心拍完這部戲可以與家輝哥成為朋友。」她又笑言曾經問過張家輝，下次來港可否去他家住，怎料得到很特別的回應：「家輝哥跟我說，要我加入劉德華的歌迷會，跟華哥說要找張家輝，所以說我要找家輝哥，就得先找劉德華」。
入App免費換走健康產品
