肥媽突然在節目中大講金句。
由Maria Cordero（肥媽）、李家鼎（鼎爺）及游嘉欣（游游）主持的飲食節目《肥媽李鼎》，昨日一集主題為「我的威水朋友」。鼎爺大談好兄弟李小龍的飲食習慣，他說：「佢食得好健康，每食一樣嘢都計過晒，牛肉少食，豬肉一年都唔會食一、兩次。」鼎爺還即場炮製李小龍都食過的「涼拌麻香雞絲粉皮」。他在日前的一集提到自己原本有機會到荷李活發展，更已簽了三部電影合約，自己亦因而到美國睇樓，一心到當地發展。惟李小龍突然逝世，令原本要拍的三部電影擱置，鼎爺亦因而受影響，未能到荷李活發展。
鼎爺同李小龍好老友。
鼎爺後生時好大隻。
克林頓搞痛肥媽母親
至於肥媽在節目中提到自己與美國前總統克林頓認識，其後她指對方的女友萊溫斯基身形肥胖，並謂：「佢梗係鍾意食肥嘢先會愛件肥㗎啦！」鼎爺笑言若克林頓早些認識肥媽，可能就成為對方的女友。肥媽續提到當年獲頒亞洲傑出人士獎，她與母親到場，克林頓很有禮貌跟肥媽母親握手，但其母手上戴著戒指，克林頓握手比較大力，搞到肥媽的母親痛到大講粗口，嚇得在場的華人全部起身，而克林頓亦隨即與保鑣離去。
肥媽與克林頓握過手。
肥媽要有愛先有性
其後游游問肥媽若可重來會否做不同決定，肥媽說︰「如果你識咗個偉人，為咗佢賺咗舊錢，你都唔同佢嘅，我哋唔得嘅。我唔愛嘅男人我上唔到床㗎，或者大佬（指鼎爺）唔愛嘅女人上到床，男人用另外個腦諗嘢㗎嘛，女人講感情㗎講感覺㗎嘛！」鼎爺就指自己也重感情。
