2020-12-02 14:31:00

胞妹證死訊廖慧儀前男友疑受情困跳樓亡

落選港姐廖慧儀前男友Sam於今晨在油麻地墮樓身亡，在他墮樓前半小時，Sam在IG以英文留言，透露自己過去兩個月的身體及精神都飽受折磨，並多謝一路上幫過他的人。其後Sam的胞妹在哥哥的IG留言︰「哥哥已經不在了，感謝你們的擔心，未來會有設靈，會再通知。」

廖慧儀與Sam原本愛得十分甜蜜，當時Sam更全力支持廖慧儀參選。不過，隨住廖慧儀入行，二人情海翻波，男方曾在IG上公開鬧《#後生仔傾吓偈》的23歲大學KOL孔德賢，暗示有人撬牆腳，但孔德賢否認是第三者。

其後Sam在IG控訴廖慧儀入行後變質，留言謂︰「點解要選擇因為一啲小問題而突然狠心離開我，係咪因為入咗娛樂圈擴闊咗眼界，回頭看所有嘢覺得我甚麼都不是？」當時不少網民同情Sam的遭遇。然而事隔數日後，廖慧儀不開名在IG稱受到他人騷擾及跟蹤，甚至一日收過百電話，令她不勝其煩，更謂︰「日日都玩跳樓，你要搞清楚，呢啲唔係愛嘅表現……」雖然Sam事後接受傳媒表示已得朋友開解，生活重回正常軌道，但自言對廖慧儀仍未忘情，但沒料到最後Sam選擇自殺了結生命。