英女皇逝世令無數港人懷念往事。
英女王伊利沙伯二世於英國時間星期四下午逝世，享年96歲。唔少市民都成長喺英治時代，女王逝世令大家憶起唔少往事。
英女王最後一次出訪香港係1986年，除咗一系列官式活動之外，女王更加去到沙田隆亨邨探訪。港府亦為女皇到訪，喺紅磡香港體育館舉行《女皇訪港青年精英大匯演》。已故港督尤德爵士陪同英女王及王夫菲臘親王觀賞。
當年嘅大匯演僅有一小時，但難得冇咩冷場，因為並無安排官員致辭環節，而且表演項目有一定水準。當年參加嘅藝人包括由成龍率領成家班嘅武術表演，而大會亦為演出創作歌曲《這是我家》，搵張國榮、鍾鎮濤、區瑞强同張學友，連同現場1600名學生合唱。
原文刊登於 Yahoo娛樂LOL，am730獲授權轉載
英女王伊利沙伯二世12大發人深省金句，你又知道多少？
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
