荃灣豬肉佬威威大埔凍肉店疑已執笠 網民：有藉口復出幕前
荃灣豬肉佬劉宋威（威威）前年因被指貌似AK@MIRROR爆紅，接拍廣告、開設YouTube頻道、仲喺商場搞粉絲見面會，風頭一時無兩。不過隨後佢嘅舊照及黑歷史流出，兼被指愈來愈商業化，之後再除口罩揭真面目，人氣急劇下跌，星途極速玩完。
上年有網民喺社交網站分享多張威威現身大埔一間凍肉店嘅照片，有網民指呢間店舖已經執咗笠。
網民︰荃灣豬肉威威有藉口復出幕前
有網民於Facebook群組「全港店舖消息(開張/執笠)關注組」及「大埔 TAI PO」出PO，上載威威曾喺大埔一間凍肉店內工作嘅照片，親力親為地搬貨；而另一張相就係店舖已經「人去樓空」，門外嘅鐵閘仲貼上一張「成功租出」嘅告示。消息傳出後，有網民留言表示威威已經歸於平淡：「放過佢啦」、「放過人啦」、「好心唔好再攪人喇！」、「人哋都退出咁耐。仲狙擊佢做乜，你做返個正常人好無」；不過亦有網民留言：「好好地做個豬肉佬咪算囉。以為有人識就搞呢樣搞嗰樣」及「有藉口復出幕前」等等。
原文刊登於 Yahoo 娛樂圈
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
