草蜢一早到達會場，與舞蹈員排走位及舞步。
香港元祖男團草蜢，上周六於澳門銀河星匯舉行《草蜢金夜狂熱音樂會》，雖然演出屬於酒店VIP專屬場，但草蜢三子對歌單、衣著仍相當高要求，除了在演出前一晚進行總綵排，開show當日中午，繼續與dancers及樂手商討各項可以改善的細節，而當晚三子的舞台服裝，均是全新添置，務求做到盡善盡美。
雖然是VIP專屬場，草蜢仍重訂歌單與舞台服裝，務求演唱會盡善盡美。
草蜢一出場以連串快歌為演唱會揭開序幕，當中包括經典歌《三分鐘放縱》、《紅唇的吻》國語版《一路順風》，以及《ABC》國語版《限時專送ABC》，將氣氛炒得超火熱。之後獻唱國語快歌《寶貝對不起》，蔡一智和蘇志威更衝到台下與觀眾近距離握手及拍照，而蔡一傑則留在台上，與走到台邊的觀眾握手，將音樂會氣氛推到頂峰。
撈亂廣東話 國語歌
連場勁歌後到獨唱環節，蔡一傑獻唱《失樂園》，蘇志威演繹《深淵》，還有蔡一智的《看海的日子》，觀眾聽得如癡如醉，蘇志威說：「今晚啲VIP特別熱情，以往都做過好多呢類VIP Show，但今晚係去到一個沸點、爆棚嘅地步。」蔡一傑稱，「今晚我有少少蝦碌，因為台下有講國語嘅朋友，又有講廣東話嘅朋友，所以歌單上兩種語言都有，一時唱廣東話一時唱國語，搞到我有少少錯亂。」
蔡一傑獻唱《失樂園》，樂迷如癡如醉。
草蜢之後在台上獻唱新歌《Framily》，蔡一智說：「今日都有新歌帶俾大家，係我寫嘅新歌《Framily》，我見台下觀眾嘅反應都好好。」除了澳門站演唱會，草蜢7、8月繼續有演出，蔡一傑指：「7月19同20日，我哋會喺新加坡開兩場演唱會，其實而家都冇分，除咗新加坡，馬來西亞、台灣、香港、國內嘅朋友都會飛嚟睇，所以草蜢每次開演唱會都係一個大party。」蘇志威則補充：「仲有我哋8月17日，會喺佛山開演唱會，好多住廣州嘅朋友都應承會過去支持我哋。」
除了新歌、還有新衫，蔡一傑說他們事前夾好了銀、紅兩個顏色。
amJetso 送BIODERMA救星小紅瓶🩷護膚恩物 立即按此參加👇
