葉翠翠早前在社交平台留言表示好失望，更謂「我為咗呢個家真係傾盡所有，毫無保留。」、「一言難盡」，由於翠翠在內文及回覆網民的留言時，隻字不提老公，令人猜測他們的婚姻亮起紅燈。
早前葉翠翠在社交平台的帖文，令人擔心她的婚姻出了問題。
今日翠翠上載老公與細仔的照片，相中二人笑得燦爛，她亦為「失望」事件解畫︰「真係估唔到，簡單一句『好失望』會令大家諗咁多嘢，在淡淡的湖水泛起了漣漪。其實當日係關於工作，唔明點解有人可以連奶粉錢都要呃，扮同你做朋友其實係有目的，對呢個人好失望……唔多講了，一言難盡。至於爸B呢……減肥失敗，半夜食雪條食薯片飲汽水，又懶唔做運動，佢話係幸福肥喎，真係想一錘打扁佢肚腩，係絕望，唔係失望，搞到我啲說服力低晒，連自己老公都減唔到個大肚腩叫人哋點信我啫。講明先呀，係爸B拒絕減肥，唔係我啲方法唔得。」
翠翠於今日上載老公與細仔的照片。
翠翠斥老公食雪條，放棄減肥。
入App免費換走健康產品
