近年經常「住吓香港、住吓福岡」的Yoyo。
蒙嘉慧(Yoyo)於節目《住吓香港、住吓福岡》，帶著吳保錡、陳海寧(Isabella)於福岡探索，二人會跟著Yoyo的腳印，感受她眼中福岡最宜居、最自在的生活模式，體驗令人夢寐以求「呢度住吓、嗰度住吓」的逍遙境界。
今晚播出的首集，Yoyo指自己是從電視上認識保錡：「我係睇電視節目《花姐ERROR遊》，最記得佢成日講個句係『唯快不破！』，依吓我係幾鐘意，四個人嘅組合我覺得幾得意，當時我記得我睇得好開心，我每晚返屋企就係想睇佢個節目，有時人生有依啲娛樂就好開心，唔需要咁認真。」
Yoyo笑談自己與Isabella的相識經歷：「Dee姐(Isabella)我係經我老公(鄭伊健)識嘅，我記得第一印象佢係一個好得意嘅女仔，同埋好為食，我已經唔係食得少嘢，但我係輸比佢嘅！」Isabella分享跟Yoyo結緣的經過：「有兩次去日本玩，Yoyo帶我周圍食嘢同遊覽，佢完全超乎我想像咁鐘意食嘢，佢比好多意見我，我Feel到佢係個好識為自己安排，同埋好tough嘅女仔。」
保錡笑問Isabella：「咁食完之後有咩搲到啊? 淨係搲到嘢食? 做娛樂圈最緊要搲到機會啊！」 Isabella感慨：「唔係架，我覺得機會依啲嘢，有就有，無就無架啦。」另外，Yoyo又分享現在少打羽毛球，但喜愛學劍道，首集Yoyo帶領Isabella和保錡學劍道，與當地師生交流切磋，場面有趣。
🎁 amJetso請你睇《焚城》，快Ｄ開APP玩👇 👇
