薛家燕邀馬德鐘接受訪問。
馬德鐘日前現身新城廣播，接受薛家燕、范振鋒、思敏《開心大派對》節目直播訪問。家燕姐在節目重提當日到大馬登台險出意外一事，她說︰「當時我穿著長裙及4吋高跟鞋，升降台有9級樓梯，一時踏空，幾乎差錯腳碌落樓梯，好彩馬德鐘同陳展鵬反應敏捷，及時好大力咁捉實我，依家諗番都好驚，全靠有兩位護花使者！」她更以「救命恩人」去稱呼馬德鐘。
家燕姐在節目猶有餘悸表示彩排時，見到舞台上的升降台，已經問大會可否不要？但大會回覆專誠為她花了好多錢搭建的，希望她可以好靚在升降台升上舞台，家燕姐說：「彩排時，馬德鐘同陳展鵬見到，已問演出時，要唔要傍實我？我仲話不用！原來兩位擔心我有意外，冇話我知，一直守在我旁邊，真的好感激呢兩位救命恩人！」
薛家燕很多謝馬德鐘當時出手相助。
在雲頂登台當日，家燕姐感冒未癒聲沙，馬德鐘細心得帶備了一大袋潤喉糖及穀物纖維早餐送給家燕姐，馬德鐘說：「嗰日家燕姐病到連說話時都走音，初時我同黎耀祥都擔心家燕姐唱唔唱到《禪院鐘聲》？仲諗住傍實家燕姐一齊唱，點知家燕姐十分專業，演出時完全同平時一樣超高水準，十分佩服！」家燕姐亦大讚當晚馬德鐘所穿的Deep V露胸肌個胸好靚，馬德鐘表示Keep得靚胸肌及線條，全因5年前開始茹素及一直健身。
馬德鐘帶備了一大袋潤喉糖及穀物纖維早餐送給家燕姐。
amJetso 送BIODERMA救星小紅瓶🩷護膚恩物 立即按此參加👇
