家燕姐非常關注自己的健康。
薛家燕今日以品牌大使身份出席「健康博覽2024」，她表示年紀大，現時體能及記性都不像以前，但因為愛與年輕藝人合作，「一定要有返咁上下轉數」，所以自己也會用一些產品令自己保持活力。
她表示自己亦愛了解新科技，好讓自己能與年輕人多些共同話題。家燕姐說︰「好多老人家唔肯去學，覺得好麻煩，因為佢哋個腦真係記唔到咁多嘢。我自己就會想了解多啲，做藝人要知道個世界發生緊咩事，加埋自己做咗嫲嫲，更加要保持腦筋靈活，唔係第時個孫講乜我都唔明就弊。」
家燕姐在活動上分享自己的養生之道。
家燕姐透露每日都會練習她的招牌十字步：「對老人家真係好好，郁吓手郁吓腳，好輕鬆。」大會邀請她即場示範十字步及健腦操，並請來家燕姐的粉絲齊齊跳。她坦言身邊有不少朋友離開，現時最緊要保持身體健康，期待與家人有更多相聚的時間：「我都呢個年紀，有啲朋友都離開咗，令我覺得要更加錫住自己身體，所以做嘢唔會排得咁密，我唔會閒落嚟，又一直做到自己開心嘅嘢。」
家燕姐透露明年是「七公主」60周年紀念，已計劃相約幾位姊妹去上海或三亞旅行，希望可以夾到時間。她稱大家由童開始，到現在大家仍然健在，感到開心，閒時會相約食飯、打麻雀，非常珍惜一齊的時間。
家燕姐希望明年「七公主」可以一齊去旅行。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
