「亞視一姐」阿儀獲美容院睇中合作宣傳。
39歲「亞視一姐」薛影儀向來我行我素，不時在鏡頭前素顏及疑似真空示人，最近阿儀就獲美容院睇中，日前由經理人林寶玉陪同下開直播，並進行日本筋膜小顏術之初體驗，據講該療程以獨門手法配合傳統工具，按照經絡原理，深入肌肉筋膜組織，疏通穴道按摩，全自然V臉，阿儀是否變出V臉就真係見仁見智，不過阿儀近期似乎更加有自信，今日公開敷眼膜大特寫自拍照，並寫：「今日上堂用綠茶、蘆薈、杏仁油浸眼膜，敷在眼大約十分鐘，之後送咗枝潤唇膏。」雖然唔係太明阿儀用意，但字面估計是想跟網民分享扮靚心得。
本月是阿儀出道的兩周年，今年推出首支個人單曲《一加一等於阿儀》被封洗腦歌，上月又趁父親節加推第二首作品《爸爸爸爸我愛你》，令人期待阿儀下首歌又會挑戰全新曲風。
入App免費換走健康產品
