蘇民峰師傅表示今年桃花位在東南方、財位在正東。
由一班靚仔靚女倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）主持的飲食節目《美食新聞報道》，年初二播出的一集請來玄學師傅蘇民峰擔任嘉賓。
黃嘉雯談到跟蘇師傅緣份始於主持節目《開壇》，她大讚對方經常「萬歲」請食飯︰「師傅係識食之人，又食得好健康。」在今次節目入面，蘇民峰更推薦一間非常出名的中菜館予黃嘉雯嚐試。
年衫二（30日）「星級飯腳」蘇師傅帶Carmaney到尖沙嘴搵食。
蘇師傅在場少不免贈幾句，講到來年經濟運程，他說︰「虎年一路至羊年（2022至2027）都屬於木火流年，經濟活動係慢嘅，有啲人買股票就發覺有波幅無升幅，搞嚟搞去都一樣。」他提議如果想開運或者增強運勢，不妨從東南方及東方着手，蘇師傅說︰「去某啲地方可以幫到你，睇你要求乜嘢。桃花運喺今年東南方，好似太平洋啲小島啦、澳洲、紐西蘭全部都喺我哋東南。而財位喺正東，台灣或者日本嘅南邊，再遠啲就去美國。」他提議秋天出世的Carmaney多吃綠色食物，可加強運勢。
立即更新/下載AM730手機APP 體驗升級功能
