蘇韻姿離巢再搬屋，決心重新出發。
蘇韻姿(Andrea)憑TVB處境劇《愛·回家之開心速遞》「紅衫魚」熊心如一角成功入屋，其後疑因工作態度問題被雪藏，自去年初劇情交代熊心如跟前男友朱天梯(梁証嘉飾)到歐洲視察廠房後，一直未有再於劇集出現，直至今個月初，蘇韻姿終宣布結束與TVB的8年賓主關係。雖然已經離巢，但早前多位熊家人仍為蘇韻姿大搞生日派對，認真有愛。
蘇韻姿除了在工作方面有新開始，日前，她更搬新屋，決心重新出發，她在社交網曬出多張搬屋照，見她以短褲配T恤拖鞋示人，一身街坊Look ，並站在搬運貨車前打卡，她表示：「呢一輪除咗事業有變化之外，居住環境亦都有變化。喺咁多唔同變化嘅情況下，我實在冇可能處理得晒！」她更感激搬運公司的幫忙，不少網民都紛紛留言向蘇韻姿送上祝福，有人更表示：「離開傷心嘅家，無情嘅家 重新開始 加油」，而蘇韻姿未有否認，更以兩個加油的emoji回覆。
amJetso 送BIODERMA救星小紅瓶🩷護膚恩物 立即按此參加👇
