連詩雅(Shiga)與香港泳隊表妹江忞懿、洪卓立(Ken)及陳琪等，昨日到紅磡出席港台活動，Shiga表示與表妹相差幾年，笑言自己似阿姨，小時較少一齊玩，反而出來工作後就多了見面。
談到表姐，江忞懿說：「表姐好錫我、維護我。」問到會否介紹泳壇猛男給表姐認識，Shiga即答說：「驚佢身邊啲朋友太細。」對於師姐歐鎧淳的廣告被網民質疑，江忞懿表示未有看過，不敢評論。問到她本身可接受到批評，她說：「冇乜留意負面嘢，我比較正面，而且凡事都有正面和負面。(問到可有興趣拍廣告？)我呢個年紀凡事都可以試下，如果唔影響游水都可以，不過我好內向同怕醜。」
洪卓立唔敢再坐順風車
Ken早前坐師妹許靖韻順風車時，在紅隧遇上交通意外，提到事發經過，他說：「雖然意外唔關佢事，但佢嘅駕駛技術真係好恐怖，不停行錯路，轉彎又唔識煞掣，我喺車入面嗌咗出嚟，好似生死時速咁，原本1個鐘車程結果坐咗2個半鐘，下次自己唔會再慳錢坐順風車，會搭公共交通工具。」
入App免費換走健康產品
