今次有盧覓雪大戰玻璃朱。
撐警「玻璃朱」朱庭萱早前在網上指MIRROR「呢啲樣行落旺角大把」，又指支持MIRROR的人是井底之蛙，引來大家熱烈討論。(相關新聞︰https://bit.ly/3fgBUxv)之後玻璃朱似不忿被網民圍剿，隨即發表一篇名為「政治凌駕娛樂圈」的文章。
玻璃朱成為話題人物，港台節目《視點31》食住個勢邀請了她與資深傳媒人盧覓雪現身直播討論。官方facebook專頁今日發文預告寫道︰「兩大電視台近來鬥綜藝、鬥娛樂，暫時未可以外出旅遊的日子，你有冇睇返多啲電視？就算錯過播出時間，又有冇因為近日熱烈的討論而網上重溫？電視台為市民『造星』、『捧藝人』，應該用咩策略同以乜嘢為宗旨？香港人需要嘅藝人又係咪走落旺角大把咁嘅樣？」
不少人到專頁留言，但內容大多指玻璃朱的照片是P圖，認為好奇怪。
不過，玻璃朱轉載帖文時，就表示自己「唔係好願意去」，並強調是「主持多次邀請」加上是理性討論而非駡戰，才決定出席。她說︰「最重要係今次topic希望可以幫這兩年受TVB網上欺凌嘅藝員同客戶討回公道。大家到時留言支持下！」之後她的支持者留言表示支持，但亦有人甚為敏感，留言說︰「戴定錄音筆係身，啲人鏡頭前後2個樣，錄底佢地罪證！有助手就帶助手」然而這次節目是直播形式，未知該名網民為何那麼擔心。
口裡就不，但身體好誠實。
今次視點31用了玻璃朱在facebook專頁的頭像作為宣傳照，網民對這張圖大感驚訝，不明白為何要用對方的p圖︰「左邊P到外星人咁，唔P唔見得人咩」、「PR相要執下係正常，但係P到咁公關相都變公關災難」、「左邊張相係咪Animation嚟㗎？假到笑死人！真人唔使出鏡啦，如果唔見得人，搵張P圖相擺喺鏡頭面前，個嘴郁吓郁吓就得啦。」早前玻璃朱因被網民恥笑照片大多是p圖，曾發文道︰「同埋而家仲有女仔影相唔用美顏咩？點解大驚小怪。」
網民對玻璃朱的照片討論過不停。
上周玻璃朱就P圖作出解話。
入App免費換走健康產品
