2021-12-19 17:25:00

讚老婆有智慧教Bob面對逆境

林盛斌(Bob) 昨晚舉行棟篤笑《The Bobfather 2021》，他不但借用電影《教父》中的經典對白發放正能量，更分享與家人的生活鎖事，如何令他學懂面對逆境，大讚Bob嫂黃乙頤。

Bob稱老婆面對負評時的想法很有智慧，猶如唐三藏，他覆述Bob嫂的話：「佢話：『其實啲人留言，你唔需要太介意，佢哋都只係想發洩下，你咪由佢囉，你入嚟呢個行業嘅初心，就係想帶娛樂帶歡樂俾大家，如果佢留言後抒發咗釋放咗，自我感覺良好咗、開心咗，咁你都好有價值。你諗下，如果你喺1樓，啲人鬧你，你會唔開心，當你喺10樓嘅時候，你可能已經睇唔清楚，聽唔清楚啲人講嘅嘢，佢哋指罵你，你可能覺得佢哋同你打招呼，到你住喺100樓嘅時候，你根本睇都睇唔到佢哋，你睇到嘅只有好靚嘅風景』。」Bob指Bob嫂的一番話，教他豁然開朗。

Bob又分享與仔女的生活日常，例如女兒做功課時會用爸爸死了造句，幾姐弟在家中玩角色扮演，細佬JJ又會扮爸爸死了。雖然身為爸爸的自己在甚麼時候都要死，但卻啟發了Bob，如果他能像JJ扮死時微笑著，也不錯，他說：「如果我真係要離開呢個世界，喺我身邊圍住嘅係我最愛嘅屋企人同朋友，我就會好似佢咁，笑住走。」