Edan與導演曾慶宏連踩18場為《過時·過節》。
由金像影后毛舜筠、金馬影帝謝君豪、MIRROR成員Edan(呂爵安)、談善言、袁澧林、盧瀚霆(Anson Lo)及馮素波共同演出的電影《過時．過節》，上映第二周累積票房破800萬，首次參與電影正劇演出的Edan，聯同角色原型導演曾慶宏，日前巡迴九龍及新界5間戲院，連踩18場謝票。Edan回答觀眾提問時分享不少心底話，看到粉絲相當熱情的歡呼和鼓勵，一向寵粉的他即興清唱電影主題曲《攀上天梯的螞蟻》，不少粉絲更陪同大合唱。
漸明白演戲是甚麼
Edan透露了不少心底話：「其實自己對演戲一直有一種迷惘，唔係好知道點樣為之好同唔好，尤其今次係比較正劇處理，同大家睇過的《大叔的愛》截然不同，好幸運遇到導演Eric、毛姐同君豪哥呢班前輩，同我傾好多偈，不停調整我，令我有好多得著，漸漸明白多咗演戲係點嘅一回事，更加要深入了解導演想帶出嘅message。」
至於不少粉絲關心他演的阿陽與雀仔(Anson Lo飾)的關係，Edan回應：「係好朋友嘅關係囉，不過喺電影時空就未必會帶雀仔返屋企食飯，因為要帶咗我阿爸君豪哥返去齊齊整整食餐飯先！」
Edan感激爵屎入場支持《過時·過節》。
自嘲要阿媽照顧 決不離家出走
電影中一眾角色因溝通不善而結下難解的結，Edan坦言私底下與家人溝通不多，就像戲裡談善言演的家姐阿琪一樣，不太出聲，「由細到大好少同屋企人講心事，不過呢部戲讓我學習同屋企人多啲溝通，珍惜好緊要，所以呢部電影對我嘅意義已經超越一部作品，對人生有一定影響。加上我仲係好需要阿媽照顧，所以唔會好似導演咁離家出走，哈哈！」而身旁的導演曾慶宏也打趣回應：「放心，我而家有同屋企人見面同食飯嘅！」
amJetso 送BIODERMA救星小紅瓶🩷護膚恩物 立即按此參加👇
