![鄧小巧見孫燕姿失心瘋 泳兒被男歌手抽住格㚳底傾偈](https://cdn.am730.com.hk/s3fs-public/styles/article_image/public/2023-11/%E9%84%A7%E5%B0%8F%E5%B7%A702.jpg?itok=-EOC8-V_)
鄧小巧邀請泳兒做節目嘉賓。
由鄧小巧主理的網上歌唱節目《Singaholic》來到第三集,泳兒(Vincy)任新一集的嘉賓,節目中二人除了互唱對方的歌,傾偈時更笑料不斷。 節目一開始,小巧便十分「乖巧地」向Vincy問好:「師姐你好。」Vincy聞言「師姐」二字即大笑:「喂,好怪呀呢件事。」小巧稱自己是最新加入公司的藝人,所以「叫每一個人都係師兄師姐。」小巧謂一直以來Vincy予人一種很養生的感覺,但原來錯晒,「我好surprise上次Vincy第一次嚟我屋企,竟然帶咗支紅酒過嚟。」Vincy謂自己平時很晚才睡覺,笑說自己一點也不養生,「That’s why我需要養生囉。」
![鄧小巧和泳兒合唱不少歌曲。](https://cdn.am730.com.hk/s3fs-public/styles/article_image/public/2023-11/%E9%84%A7%E5%B0%8F%E5%B7%A701_0.jpg?itok=H2JfnDXs)
鄧小巧和泳兒合唱不少歌曲。
幻想當歌手很夢幻
泳兒跟小巧是公認的實力唱將,不過Vincy坦言從來沒想過當歌手,只是一直都很喜歡唱歌,小巧則相反,打從小時候便幻想當歌手是一件很夢幻的事,她更是因為孫燕姿而入行,她更分享成為歌手後一次於活動上見到孫燕姿的經歷,「當時準備出我第二隻EP,我真係好想好想有機會見到佢,將隻唱片交俾佢,好想同佢表達我因為佢而咁希望成為一個歌手呢件事。跟住我見到佢,我係咁樣:『我嗚嗚……』完全講唔到嘢。由於孫燕姿已經係一個天后咗好耐嘅人,所以佢見到我呢啲咁嘅瘋癲嘅歌迷,佢好冷靜。同埋佢當時係身懷六甲,所以佢有啲係「嗯……嗯……」哈哈,但我就係好激動。」她又謂自那次孫燕姿事件後,她再見到自己的歌迷,便很接受歌迷對她做的任何事,「我自己都失心瘋咁樣,哈哈。」
另外,二人在節目中更大爆同事的搞笑事,泳兒說︰「大家平時嗌人,會拍吓佢手臂:『喂,小巧。』呢個人,因為佢係一座山咁高,佢好鍾意同我傾偈,但佢就唔知道自己好高,成日拉我呢嘅時候就拉咗我『格肋底』,哈哈。佢會成日拉住我:『Vincy你過嚟我同你傾吓偈。』跟住我就會俾佢咁扯走咗,哈哈。新人嚟嘅,Aiden(洪助昇)呀。」不過小巧還未見過這位「師兄」,並稱對方如見到她,或可能也會像泳兒一樣的情況,她續問道︰「有汗點算呢,哈哈,佢會話:『你個格肋底濕嘅師姐。』」Vincy立即反應,「咁我都乾爽嘅,哈哈。」說完這句後,二人大笑到喘不過氣來。
![泳兒更向鄧小巧爆料,稱被洪助昇拉住格肋底傾偈。](https://cdn.am730.com.hk/s3fs-public/styles/article_image/public/2023-11/%E9%84%A7%E5%B0%8F%E5%B7%A703.jpg?itok=rv5favnn)
泳兒更向鄧小巧爆料,稱被洪助昇拉住格肋底傾偈。
![小巧主理的網上歌唱節目《Singaholic》來到第三集。](https://cdn.am730.com.hk/s3fs-public/styles/article_image/public/2023-11/%E9%84%A7%E5%B0%8F%E5%B7%A704.jpg?itok=GQE8K8QQ)
小巧主理的網上歌唱節目《Singaholic》來到第三集。