Cookies七位成員合體大唱《心急人上》。(娛樂組攝)
鄧麗欣(Stephy)一連3場的首個紅館個唱《STEP by STEPHY 鄧麗欣紅館演唱會2025》今晚(16日)舉行尾場。外間有傳Stephy邀請一眾Cookies成員來個大合體作為尾場嘉賓，因此令不少人期待。尾場率先登場的嘉賓是曾跟她於《飯氣攻心2》合作過魏浚笙Jeffrey。
Stephy尾場嘉賓是魏浚笙。(娛樂組攝)
與魏浚笙合唱《好好戀愛》
演唱會於8時30分準時開始， Stephy以銀色閃石肚兜形露背上衣配黑色長裙優雅登場打頭陣唱出新歌《戲一場》。Stephy今晚仍然有演唱當年以Cookies成員身份出道的歌曲，分別有：《宇宙最強》、《最後一塊》和《心急人上》等。
Stephy演唱完歌曲《十分愛》後， 魏浚笙（Jeffrey）驚喜登場，兩人同台合唱《好好戀愛》，全場觀眾尖叫聲不斷，氣氛相當高漲。合唱完畢後，Jeffrey向Stephy送上禮物並謂：「我有嘢送俾你家姐，我送幅畫俾你。我知道家姐好鍾意畫畫，所以我就花咗心思。」
Stephy嘲似亂倫
Stephy則表示：「我想講呢我哋唱呢首歌《好好戀愛》好似有啲亂倫嘅感覺，之前我哋喺個音樂節裏面合唱《十分愛》，因為佢比我個感覺真係細佬，我哋兩個拍咗兩套戲，佢都係做我細佬。」Jeffrey則回應：「我都係當你家姐！」他又繼續賣口乖大讚Stephy：「真人靚過上鏡，大家話係咪？」
Jeffrey向Stephy送上禮物：「我有嘢送俾你家姐，我送幅畫俾你。我知道家姐好鍾意畫畫，所以我就花咗心思。」
Cookies七位成員合體大唱《心急人上》。(娛樂組攝)
Cookies合體
及至Encore部份，Cookies六位成員上台與Stephy合體，分別有何綺玲(Elaine)、陳素瑩(Gloria)、吳雨霏(Kary)、楊愛瑾(Miki)、區文詩(Angela)、馬思恆(Helena)，但就未見傅穎(Thresea)及蒲茜兒（Serena）。這個7人版Cookies對上一次出現已經是2012年在Shine的演唱會。
她們出場合唱《心急人上》掀起高潮，令全場high爆。當她們逐一介紹再大叫「我哋係Cookies」，全場狂呼。Stephy向她們表達謝意，更指她們一齊上台是「完成大家嘅心願」。
Helena專程返港
Stephy逐一跟Helena等更新近況，她指Helena是從美國專程來港，她說︰「佢係超級專業人士，有個博士學位，係加洲執照嘅藝術心理治療博士。」Helena表示很多人對心理輔導有誤解，其實是可以尋找自己，歡迎大家可以在IG找她，可以透過網上形式跟大家「尋找自己」。
Stephy續以「女強人」稱呼Gloria，她表示現時已經轉了行，但就未有透露自己做甚麼職業，只謂「我以前份工係Cookies，好多謝你俾機會我哋上嚟紅館，都無咩工可以得閒上嚟紅館唱幾首。」
Stephy很感謝Helena專程返港。(娛樂組攝)
Stephy︰大家都keep得好
7位Cookies在上台互相交換近況，Stephy續表示很開心見到大家可以成為更好的自己，在不同地方發光發亮。她又讚大家keep得很好，亦感謝她們的出現，7人更擁作一團，並一齊合唱《Forever Friends》。
立即更新/下載AM730手機APP 體驗升級功能
