2025-03-15 07:30:00

鄧麗欣演唱會｜扭腰趴欄趷pa跳性感辣舞 Stephy兩度淚灑舞台(附完整歌單)

鄧麗欣(Stephy)一連3場的首個紅館個唱《STEP by STEPHY 鄧麗欣紅館演唱會2025》今晚(14日)開鑼，演唱會以「Step」命名，正是要呈現Stephy出道至今的成長步伐，除了女團Cookies年代的跳唱快歌，Stephy大展琴技自彈自唱《他不准我哭》，舞台背景則是她特地為演唱會而畫的畫作。當唱《十分愛》之前，她罕有地主動是及母親，笑問母親坐在哪裡，其母親立即揮手示意，Stephy感觸表示，「你愛身邊嗰個人，可能佢真係唔知，唔好以為理所當然一定知，其實真係要講出口。以前好多嘢都寫喺歌裡，其中一首歌，雖然唔係我自己寫，但好想表達對媽咪的愛，I love you，平日唔講，喺台上先講。呢首歌好少唱，希望大家都喺成長路上都學懂點樣愛身邊嘅人，無論家人、朋友和身邊同你有緣份，就算只是擦肩而過嘅人，俾佢一個微笑都係好大嘅愛。」

大合唱圓夢

Stephy亦展現充滿女人味的面向，在嘉賓林峯獻唱後，她穿上黑色約隱約現的半透視連身舞衣再度登場，大騷修長美腿，接連唱出《不可得》、《我是⋯》和《派對動物》，其間以欄杆作道具與男舞蹈員大跳辣身舞，爬欄、扭腰、趷pat，不斷擺出誘人pose，性感撩人。Stephy表示，「你哋真係俾咗好大力量我，去努力俾你哋睇，等咗咁多年係冇白費。」她自言沒準備太多台詞，因為分享就很容易哭，並透露有好幾首歌，在綵排時已經忍不住眼淚，「今晚我好想將努力練習過的，好好呈現俾大家睇。」接著她邀請全場大合唱《藍鞋子》，完成她的合唱夢。

鄧麗欣在《STEP by STEPHY 鄧麗欣紅館演唱會2025》頭場，唱唱《黑白照》時感觸落淚。(羅錦鴻攝)

唱《黑白照》落淚：送俾當年嘅自己

當唱到由她填詞的舊作《黑白照》前，Stephy深情剖白，「係一首好糾結嘅歌，紀錄咗我當時嘅心情，隔咗咁多年都消化唔到，每次唱都有唔同情緒同感受，亦都係覺得成長咗之後，可以用一種更淡然嘅態度，比較看開的態去唱，好不一樣。創作呢首歌已經超過20年，好細個時嘅作品，希望今日藉呢個舞台，將呢首歌送俾當年嘅自己。」演唱期間，舞台背景配合歌詞顯示剪影動畫，歌詞剖白的單親家庭成長經歷，Stephy感觸落淚，一度無法經續唱，現場歌迷立即接力唱以示支持，場面感人。收拾心情後，她唱出經典舊作《電燈膽》。

encore 唱《最後一塊》

演唱會尾聲，Stephy換上紅色可愛型造，接連唱出《Fantasy Tale》和《Let it Flow》兩首輕快作品，並多謝台前幕後團隊和歌迷，當唱最後一首歌《Forever Friends》時，她再度感觸落淚。由於完場後，大批熱情歌迷呼encore，Stephy再度上台，她笑言真的沒有準備，就按音樂總監蘇道哲的選曲，拿著手機唱《最後一塊》，為演唱會畫上句號。