2022-11-24 21:27:52

鄭伊健開騷照出席活動恨到郊野公園燒雞翼

鄭伊健的紅館演唱會舉行得如火如荼，他打破歌手開騷閉關的習慣，於今日下午到商場出席活動。他表示主辦機構已三年沒搞公開活動，加上是慈善性質又近紅館，所以無論如何都要出一分力。谷德昭在活動上指伊健不時出錢做慈善，他表示做開便繼續做。

Encore唱歌冧太太純自肥

伊健今次演唱會尚餘4場演出，他表示有些少疲累，但很開心大家反應很好，所以會儲定能源完成最後幾場演出。提到太太蒙嘉慧從日本返港支持，他說︰「應該啦！呢幾年有佢喺我身邊，因為我唔識安排其他嘢，由佢幫我，又陪爸爸睇騷都係靠佢。」對於他在個唱encore環節唱歌冧太太，他先扮作失憶，之後笑言：「太太冇威迫，只係出於自肥，想做自己喜歡的事。」他自言不是浪漫的人，平時只是打機多，但認為大家相處這麼多年，都是開心過活。