鄭裕玲爽快答應為193客串MV。
ERROR成員郭嘉駿(193)第三首個人作品《越州公路193》今日推出，是次歌曲製作班底非常有驚喜，由謝安琪監製、張繼聰作曲、黃偉文填詞，並成功請得Do姐鄭裕玲客串MV。193表示一直很想做一首歌送給Fans，以答謝一直以來的支持，於是促成《越州公路193》的面世。
Do姐是MV女主角首選
今次歌曲內容是講一個人移民外地，靠聽廣東歌去Support自己尋夢的故事。193說︰「歌詞裡提及聽廣東歌，係比喻啲Fans一直支持我，一直聽廣東歌呢種堅持，先令我可以行到今日，甚至終於可以同Do姐拍嘢，知我咩料啦！」他表示MV出現不同地方，而構思MV時已很想找一個好勁的女主角，因此Do姐是他不二之選。他坦言開始時擔心合約問題，會被Do姐拒絕，及後嘗試搏一鋪，沒想到對方爽快答應。
193特意找人為Do姐設計造型。
拉埋姜濤幫Do姐打掃
193更特意找專人為Do姐設計造型，除了有閃閃的鑽飾，亦出動私人古董車，將它改頭換面變成的士。他表示留意到Do姐常常講英國王室，於是為她設計這個充滿英倫味的造型。Do姐搞笑表示有理由相信193是暗戀他，當對方問她可否客串時，坦言「怕咗你喇，所以就客串。」
這次Do姐客串MV，未有收取任何酬勞，只求拍得夠靚，193也認真表示不知能怎樣報答對方，Do姐便表示：「家家有求，第時有嘢要你幫忙，就搵你幫手。」193指就算為Do姐打掃屋企都OK，因為他聽說Do姐屋企很大，很想參觀一下，他更誇下海口：「最多約埋姜濤一齊嚟。姜濤而家整傷隻腳，我可以幫手推輪椅。」Do姐聽到即笑逐顏開，更說：「好喎！無任歡迎，ERROR其他3個可以唔使啦！」
Do姐在MV中的造型非常高貴。
Do姐投訴無對手戲
不過，Do姐以為今次拍MV會與193有不少對手戲，可以藉機測試他的演技，但點知二人沒有太多對手戲。193說︰「你有冇睇《季前賽》，我直情係ViuTV黎耀祥，攞晒影帝嗰啲嚟㗎！」Do姐聽到即笑住繼續投訴：「《季前賽》俾咗個咁重嘅角色你，都做得好好 ，但今次我同你嘅合作戲份就少咗啲。」193立即解釋：「搵到你客串已經好好，唔夠膽要你咁操勞，同埋我驚多戲份Do姐會拒絕我，所以我一直氹住Do姐，好快！嚟1、2個鐘就可以。不如下次你做女主角，我哋打車輪！」Do姐直言被193氣壞，直指對方一定是暗戀她，反應快的193即道：「我呢啲係明戀啦！做到咁足！」
193非常感激Do姐答應要求。
193找來30名Fans參與演出，他指這30位fans是最早跟他的。
amJetso 送BIODERMA救星小紅瓶🩷護膚恩物 立即按此參加👇
