方紹聰每集請來不同女嘉賓一齊行山。
關嘉敏憑住參加ViuTV的《全民造星III》而為人所認識，但她最後與邵氏簽約，隨即被網民圍插「忘本」、「反骨」，令她非常傷心，覺得自己的努力被抹煞。日前無綫J2台播出的《野外步出2》，她與奶仔(方紹聰)行大嶼山的石澗時，二人傾訴心事，更一度眼濕濕自覺愧對家人。
憑住《造星III》彈出的關嘉敏因簽約邵氏被指反骨。
提到仍未做到好成績給家人看時，關嘉敏一度泣不成聲。
瞞住家人入行
關嘉敏表示，5年前瞞住家人簽約，並與另外4位女仔組成跳唱組合Bingo。她稱當年是先斬後奏，非常任性地簽約，關媽媽知道後非常生氣︰「佢話『有冇搞錯呀？都冇經我同意！雖然你過18歲，但呢件事可大可小！』之後我同佢講得啦，呢條路係我揀，我會做好佢，唔會令你失望。但係過咗5年之後，我依然令佢失望。」
關嘉敏表示入行試過收到8毫子人工。
關嘉敏很怕家人看到她的糧單。
人工唔過1蚊
關嘉敏又表示，很害怕屋企人見到她的糧單，初入行時，因為收入需要與其他成員平分，試過收到8毫子人工。她哽咽說︰「嗰張糧單俾媽咪見到，我就笑笑口話有冇搞錯呀！得8毫子。佢嗰晚都瞓唔好，之後仲問我夠唔夠錢用。我就硬撐、死頂！佢愈擔心，我覺得愈對佢唔住，我都想做出成績但做唔到，依然令佢失望。」
相關新聞︰
關嘉敏被指倒戈感難過︰好似抹煞咗我嘅努力
關嘉敏自覺成績未如理想。
入App免費換走健康產品
