鍾嘉欣日前已經到達場館,並積極為演唱會綵排。
鍾嘉欣早前宣布全面復出,並將於明天(10日)在廣州開騷。連日來鍾嘉欣都在社交網發文及拍片分享即將開騷的感受,更感性多謝粉絲一直以來的支持。
鍾嘉欣日前已經到達場地,積極為演唱會綵排,片中見她以一身T恤運動褲上陣,打扮casual,並落力與一眾舞蹈員排練,其中一個大頭鏡頭,見鍾嘉欣只化上淡妝,皮膚光滑至發光,狀態大勇,相當漂亮,她更站在場館門外,有感而發表示:「我今日第一日嚟到中山紀念堂,心情好興奮,頭先入到去個感受好正,裏面比我想像中大,我好期待之後嘅演唱會,等咗好耐,我對上一次開演唱會係10年前,我真係好多謝觀眾粉絲們同朋友,一直冇放棄我,因為我覺得放棄係好容易,人生可以做到自己鍾意嘅嘢係好難得,我哋唔應該因為我哋結咗婚、生咗小朋友或者搬咗一個好遠嘅地方或者年紀大咗,唔應該因為一啲原因,而唔繼續去做自己鍾意做嘅嘢,我會繼續加油同大家一齊成長。」