關心妍近日密鑼緊鼓為下星期在紅館舉行的《妍亮慈善福音演唱會》練歌。
關心妍（Jade）近日密鑼緊鼓為下星期在紅館舉行的《妍亮慈善福音演唱會》練歌，她更與囡囡心心現身Band房綵排，見到Jade狀態大好演繹金曲，當囡囡綵排完更不捨攬住媽咪，反問：「聽朝會唔會見到你」，真係非常溫馨！
Jade就話囡囡表演項目有「眉目」，但未落實係咪會亮相紅館：「佢呢排話學校跳遠成績唔錯，但係紅館點畀佢跳真係未諗到！其實佢都好希望再上台唱歌，希望到時佢唔會唱到唔捨得走啦！」個唱舉行在即，Jade坦言壓力爆煲，更連續多晚失眠，冇覺好瞓，她稱：「其實我本身係一個睡寶寶嚟嘅，但愈近騷期我就愈緊張，仲有時會瞓唔到添，因為我哋一個人做緊十樣嘢，老公依家係分飛專員，見到佢枱面幾千張飛真係頭都暈，完騷要煮餐好嘅畀佢食！」雖然工作量排山倒海，不過Jade有好朋友支持，更義助擔任嘉賓，Jade表示：「演唱會會有十個嘉賓上台，有啲朋友呢刻仲喺外地，專登趕返嚟出席！」
立即更新/下載AM730手機APP 體驗升級功能
