關智斌的YouTube 節目請來七仙羽做嘉賓。
關智斌（Kenny）的YouTube 節目《斌菲特訓班》上集請來七仙羽（七師傅）任嘉賓，除了獲賜飲「黃金洗腳水」，更獲指點迷津要做中女生意。下集昨晚（12日）上架，Kenny除了請教七師傅樓市、股市等走勢，更乘機自肥「預測」來年運程。
上集尾聲Kenny問到對樓市睇法，但Kenny對七師傅的說話一頭霧水。
上集尾聲Kenny問到對樓市睇法，七師傅卻說她經常坐在廳中，望向窗外等鷹的出現、觀察牠們的生活習慣，聽得Kenny一頭霧水，「點解你想知鷹嘅生活習慣？」七師傅驚訝反問：「You don't know？oh！Come on！」接着便解說：「佢好清晰要食魚，飛落海叼咗條魚就飛走啦。」Kenny恍然大悟，「我明啦！代表我要留意新聞，知道樓市習慣、啲人買樓心理，當有機會時，我就好似隻鷹咁將條魚食咗。」
七師傅表示安慰，「Exactly！唔係好多人明白我講嘅嘢，Only you！」又謂「守株等死雞」，「萬一有人移民好急要賣樓，隻『死雞』就出嚟啦，我哋要有耐性等。」
Kenny問七師傅對樓市的看法。
隨後，Kenny乘機問問自己接下來的運程，七師傅直言整體非常之好，更謂要點條黑路Kenny行，「因為你個樣靚，你有五百世嘅修行，個福報已經好大。你一條路要行到黑為止，黑完之後就係光明，黎明前就係最黑暗。我陣間指條光明大路俾你，陣間你除晒，喺出面行一條路，呢條路你越行就越富！」聽到要「除晒」，Kenny馬上不知所措，不過原來只是除晒鞋襪到大屋後的花園草地上行，吸收靈氣。期間Kenny越行踩到越多石頭，「好似行緊石春路咁呀，哈哈。」
七師傅叫Kenny到大屋後的花園草地上行，吸收靈氣。
行完後，Kenny問七師傅平時是不是都這樣赤腳踩草地吸靈氣，七師傅竟然說不是，「我平時着住對鞋踩到中間先除鞋㗎，（Kenny你而家先講！）係呀，呢啲就係經驗啦，唔好吓吓都相信別人。」Kenny無奈苦笑，「我又學到嘢，今日所有嘢都係師傅設計嚟陷害……唔係，教育我，哈哈，多謝師傅。」
入App免費換走健康產品
