蔡卓妍（阿Sa）、卓韻芝、凌文龍及導演陳淑儀等昨日在灣仔出席舞台劇《情敵勸退師》記者會，在這齣將於8月公演的12場舞台劇中，阿Sa 和卓韻芝同屬舞台劇新丁，問到可有擔心？阿Sa表示，「雖然由零開始，但冇緊張和擔心，因為呢套係喜劇，我好耐冇拍喜劇，所以收到邀請，我就話要做。」
兩人將於舞台上演「爭仔」戲碼，問到怎樣的男人才配得上兩人爭奪？阿Sa笑言：「我希望有，我和阿芝傾劇本時，都有一齊諗過係邊個，這人一定要似古天樂，但只能幻想，覺得啱數嘛！其實呢個男人唔會喺劇中出現。」阿Sa和卓韻芝一個穿得密實、一個「低V」性感，似乎是配合劇情「正印」與「小三」的劇情需要，阿Sa回應說：「沒特別去配合角色造型，我演一個有錢女，亦係蛋糕師傅。」阿芝則說：「我演一個舞台劇演員同編劇，創意非常澎湃！其實依家都未知邊個係小三，觀眾要到最後一秒先知道。」
阿Sa說：「這個題材唔難引起共鳴，社會有太多類似事情發生，過程中大家似曾相識，唔一定大打出手，亦可能很少會講出內心諗法，但我哋會將這些內心諗法表達出來。」卓韻芝說：「情敵喺一段關係中會產生很大恐懼，很多人都會驚有第三者出現，有些人可能經歷過、有些人會驚要經歷。開會時，我都有分享自己的感覺，如果老公真的有第三者出現，我會沒收老公的護照、信用卡、八達通等，實行監獄模式的財政封鎖，看他能去得邊！」阿Sa則說：「要回答很容易，自然是『飛起佢啦，黐線』！但我認為對不同的人會不一樣，因為二人經歷過的事、外間係唔知道，很難去秤；因此回答這條問題很容易，但接受和能否做到就不一定，要到時才知道。」二人又指劇中題材令人反思，但屬喜劇，圍讀時大家已經笑到癲。
入App免費換走健康產品
