一眾港姐圍埋一齊話當年。
無綫年度盛事香港小姐競選現已接受報名，日前無綫播出節目《2022香港小姐競選：美麗傳奇50載》，除了邀請朱晨麗（朱朱）、陳凱琳（Grace)、劉穎鏇（Tiffany)、邵珮詩、唐麗球、張名雅、朱凱婷及林麗薇回顧參選點滴，並請來周梁淑怡、樂易玲和報幕員羅山等大談港姐籌備過程及細節。
節目播出港姐形象監督陳惠英(Karen)的訪問，她特別提到陳凱琳因為身形太瘦削，令她看上去較輸蝕，但因為她的五官突出及聰明，成功令大家忘記她太瘦。陳凱琳看完該片段時，一度感觸落淚，她指當時上磅時，Karen等人著她飲多些水，她說︰「因為要show個體重，Karen佢哋知道外界會好著重個數字，會用嚟做焦點，當時啲人一直係咁提。」她指當時因為體重不足90磅而被抨擊，令她飽受壓力。
陳凱琳參選時的體重磅數成為外界焦點。
體重過輕大感壓力
陳凱琳續說︰「我諗冇一個女仔係想成日都攞你嘅身材、身形、外貌去做你唯一一樣有價值嘅嘢，嗰陣時真係幾大打擊，成日都係提及呢一樣嘢，屋企人又會睇報紙，睇到呢一樣嘢又覺得唔好意思拎出來講，你又要扮冇嘢……成日都係話88磅，我覺得最緊要知自己係健康，本身係呢個身形，冇得去為呢件事去改變好多嘢。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
